नेपालले दोस्रो एकदिवसीय अन्तराष्ट्रिय क्रिकेटमा अहिले पपुवा न्युगिनी पीएनजी सँग प्रतिस्पर्धा गरिरहेको छ । यी दुबै टिमबीचको खेल जारी रहेको छ । यो समाचार तयार पार्दा सम्मको अवस्थामा नेपालले ३७ ओभरमा ५ विकेटको क्षतीमा १४५ रन बनाएर खेलिरहेको छ ।
नेपालले सुरुवाती चरणका ओपनरहरुलाई एकदमै सस्तोमा गुमाएको थियो । ओमानको अल अमिरात क्रिकेट मैदानमा भईरहेको खेलमा खस्किएको ब्याटिंगलाई रोहीत पौडेलले उकासि रहेका छन् ।
पीएनजीविरुद्ध ब्याटिङ गरिरहेको नेपालका रोहित पौडेलले अर्धशतक पनि पूरा गरेका छन् । रोहितले ८० बलमा ५० रन पूरा गरेका हुन् । रोहितको यो एकदिवसीय अन्तराष्ट्रियमा दोस्रो अर्धशतक हो । अहिले पनि उनी अबिजीत रहदै खेलिरहेका छन् ।
