बेपत्ता भएका रंगकर्मी प्रकाश दाहाल स्याङ्जाको वालिङ बाट फेसबुकमा आए लाइभ, आफन्त तथा शुभचिन्तक संग मागे माफी
रंगकर्मी प्रकाश दाहाल हराएको भन्दै सामाजिक सञ्जाल पुरै रंगीयो । करिब एक साता अघि उनी हराएको खबर चारैतिर फैलियो ।
उनको परिवारका सदस्यले समेत उनी हराएको भन्दै इलाका प्रहरी कार्यालय दमकमा खोजतलासका लागि निवेदन समेत दिएका थिए । झापाको दमकमा बस्दै आएका उनी आफन्तलाई कुनै जानकारी नै नदिई , भएको मोबाईल समेत नबोकी हिडे पछि पक्कै हराएकै हो भनेर आफन्त प्रहरी सम्म पुगे ।
उनी हराएको खबर सामाजिक सञ्जालभर फैलियो । आफु हराएको भन्ने खबर जब उनको कानमा पुग्यो उनी एका एक अचम्ममा परे । त्यसपछि उनले आफू सकुशल रहेको र नहराएको भन्दै सामाजिक सञ्जाल फेसबुकमार्फत जानकारी दिएका छन् । उनले फेसबुक मार्फत लाइभ गर्दै आफु नहराएको बरु अहिले स्याङ्जाको वालिङमा रहेको जानकारी दिएका छन् ।
उनले आफन्त तथा शुभचिन्तक संग माफि समेत मागेका छन् । आफुले कसैलाई जानकारी नै नदिई हिडेको र मोबाईल समेत नबोकी हिँडेकाले आफन्त तथा आफ्ना शुभचिन्तकहरु प्रति माफी मागेका छन् ।
