भारतमा लकडाउन जारी छ । अहिले सर्वसाधारण देखी सेलिब्रेटी सम्म घरमै बसेका छन् । यतिबेला सेलिब्रेटीको सामाजिक सञ्जालमा उपस्थिती एकदमै बाक्लिएको छ । काम नभएपछि के गर्ने त आखिर चलाउने सामाजिक सञ्जालनै हो । यसलाई राम्रो संग चलाए राम्रै रेस्पोन्स पाईन्छ । तर भारतकी एक चलेकी नायिकाले मानबिय संबेदनाको ख्याल नै नगरी एउटा भिडियो पोष्ट गरिन् त्यो अहिले सामाजिक सञ्जालमा निक्कै आलोचीत हुन पुगेको छ ।
भारतीय अभिनेत्री दीपिका सिंहको फोटो र भिडीयो लाई लिएर अहिले तिब्र आलोचना भईरहेको हो । भारतका बिभिन्न राज्यमा आएको तुफानका कारण महाराष्ट्रको तटीय इलाकाहरूमा सबैभन्दा बढि क्षती पुगेको छ । चक्रावतका कारण सयौले ज्यान गुमाएका छन्, घरबारबिहिन भएका छन् तर यसको ख्याल नै नगरि आँधीका कारण लडेका रुखबीच दीपिकाले डान्स भिडियो बनाइन् । अहिले यो भिडियो उनलाई निल्नु न ओकल्नु भएको छ ।
सामाजिक सञ्जाल प्रयोगकर्ताहरुले यस्तो बिषम परिस्थितीको बेला दीपिकाले मस्ती गरेको भन्दै आलोचना गरेका छन् । उनले आफ्नो घर छेउमा लडेको रुखमा पुगेर बिभिन्नस्टाईलमा फोटो खिचिन् भिडीयो बनाउन भ्याई हालिन् ।अनि उनले इन्स्टाग्राममा फोटो र भिडियो पोस्ट गर्दै लेखिन्– ‘तपाईले तुफानलाई रोक्न सक्नुहुन्न । त्यसैले यस्तो गर्ने कोसिस नगर्नुस् ।
यस्तोमा तपाईले आफैंलाई शान्त राख्ने कोसिस गर्न सक्नुहुन्छ र प्रकृतिको यस उदास र नाराज रुपलाई अंकमाल गर्नुस् किनकी तुफान पनि सकिनेछ । उनलाई अहिले संबेदनाहिन महिला भनेर आलोचना गरिरहेका छन् ।
