काठमाडौँ २१ भदौ । जिल्ला प्रशासन कार्यालय काठमाडौँका प्रमुख जिल्ला अधिकारी (सिडिओ) परिवर्तन हुने भएको छ ।
विशेष स्रोतका अनुसार अहिलेका सिडीओ काली प्रसाद पराजुलीको स्थानमा गृह मन्त्रालयका प्रशासन महाशाखामा रहेका गोविन्द रिजाल आउने भएका छन् ।
आज ४ बजे बस्ने मन्त्रिपरिषद्को बैठकले पराजुलीलाई प्रदेश कार्यालयमा सरुवा गर्ने प्रस्ताव राखिने भएको छ ।
रिजालसँग यस अघि पनि कैलाली, दाङ, रौतहट, मकवानपुरलगायत जिल्लामा सिडिओ भएर काम गरेको अनुभव रहेको छ ।
रिजालले विं.सं.२०७२ भदौ ७ गते कैलालीको टीकापुरमा घटना भएपछि कैलालीमा थारू र पहाडी समुदायबीचको सम्बन्धमा सुधार ल्याउने काम गरेका थिए ।
जटिल परिस्थितिको सामना गर्न सक्ने कुशल प्रशासकका रुपमा चिनिँदै आएका रिजालले अब काठमाडौँको सिडिओ हुने भएका हुन् ।
