अविरल बर्षाका कारण पोखरा–२० भलामस्थित ¥यालेचौरमा गए राति गएको पहिराले पुरेको घर बिहीबार नियाल्दै सुरक्षाकर्मी । पहिरोमा परी एकै परिवारका दुई जनाको मृत्यु, एक जना वेपत्ता छन् भने घाइते एकको मणिपाल शिक्षण अस्पताल पोखरामा उपचार भइरहेको छ ।
प्रधानमन्त्री देउवा र अध्यक्ष दाहालबीच भेटवार्ता-प्रधानमन्त्री शेरबहादुर देउवा र नेकपा (माओवादी केन्द्र)का अधयक्ष पुष्पकमल दाहाल ‘प्रचण्ड’बीच भेटघाट भएको छ ।
सत्ता गठबन्धनका शीर्ष दुई नेताबीच आज प्रधानमन्त्री निवास बालुवाटारमा भएको भेटघाटमा मन्त्रिपरिषद् विस्तार, सरकार सञ्चालनलगायत समसामयिक राजनीतिक विषयमा छलफल भएको प्रधानमन्त्रीको सचिवालयले जनाएको छ ।
त्यसैगरी (माओवादी केन्द्र)का अध्यक्ष प्रचण्ड र नेकपा (एकीकृत समाजवादी) पार्टीका अध्यक्ष माधवकुमार नेपालबीच पनि भेटघाट भएको छ । माओवादी संसदीय दलको कार्यालय सिंहदरबारमा आज भएको भेटघाटमा उहाँहरुबीच सरकारमा सहभागिताका विषयमा केन्द्रित रहेको अध्यक्ष प्रचण्डको सचिवालयले जनाएको छ ।
