पोखरा ५ जेठ । कोभिड -१९ कोरोना भाइरसको संक्रमण नियन्त्रण बाहिर गएपछि यस वर्षको वार्षिक परिक्षा नहुने भएको छ ।
पोखरा महानगरपालिका शिक्षा महाशाखाले सूचना प्रकाशन गरेर महामारीका कारण वार्षिक परिक्षा सञ्चालन गर्न नसक्ने भन्दै आन्तरिक मुल्यांकन तथा त्रैमासिक, अर्धवार्षिक परीक्षाको आधारमा नतिजा प्रकाशन गर्न सम्पुर्ण स्कुलहरुलाई निर्देशन दिएको हो ।
नयाँ भर्नाको लागि असार १ गतेदेखि मात्र शुरु गर्न पनि महानगरले जानकारी दिएको छ । त्यस्तै कक्षा आठको परिक्षाको लागि भने परीक्षा सञ्चालन तथा समन्वय समितिको निर्णयअनुसार हुने गरी अर्को सूचना प्रकाशन गरिने शिक्षा महाशाखा प्रमुख हेमप्रसाद आचार्यले जारी गरेको सूचनामा उल्लेख छ ।
