काठमाडौँ १५ । नेपालमा पछिल्लो २४ घण्टामा ९ हजार ११७ पीसीआर परीक्षणमा १ हजार ५२३ र ३ हजार १०५ एन्टीजेन परीक्षणमा १४१ जना गरी थप १ हजार ६६४ जनामा कोरोना भाइरस संक्रमण पुष्टि भएको छ । योसँगै नेपालमा कोरोना संक्रमितको संख्या ७ लाख ६२ हजार ६४७ पुगेकोम मन्त्रालयले जनाएको छ ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घणमा १७८६ जना संक्रमणमुक्त भएका छन् । त्यसैगरी, थप २० जना कोरोना संक्रमितको ज्यान गएको छ । योसँगै नेपालमा हालसम्म कोरोबाट ज्यान गुमाउनेको संख्या १० हजार ७५० पुगेको मन्त्रालयले जनाएको छ ।
त्यस्तै, पछिल्लो २४ घण्टामा १० वर्ष मुनिका ४७ बालबालिकामा कोरोना संक्रमण पुष्टि भएको पनि मन्त्रालयले जनाएको छ । कोरोनाका बिरामीमध्ये ५३७ जना आईसीयू र १६४ जना भेन्टिलेटरमा उपचाररत् रहेका छन् ।
