काठमाडौं १५ भदौ । वाग्मती प्रदेशमा नेकपा एमाले छाडेर नेकपा एकीकृत समाजवादीमा गएका नेता राजेन्द्र पाण्डले प्रदेश सरकारको लागी दावी गर्ने भएका छन् ।
आजै एमालेका पाण्डे सहित १२ले माधव नेपाल नेतृत्वको नेकपा एस पार्टीमा प्रवेश गरेसँगै प्रदेशको मुख्यमन्त्रीमा पाण्डेले दावी गरेका हुन् ।
५५ सांसदको समर्थन चाहिनेमा मुख्यमन्त्री अष्टलक्ष्मी शाक्य ४४ जना सांसदको मात्र समर्थन रहेकाले उनी अब अल्पमतमा परेकी छन् ।
सरकारले दल विभाजन सम्बन्धि अध्यादेश जारी गरेपछि फुटेको एमाले पार्टीको वाग्मती प्रदेशको सरकार अल्पमतमा परेको हो ।
पाण्डले आफुलाई पार्टीले अगाडी सारेको भन्दै सत्तारुढ गठबन्धनमा पनि आफुलाई प्रदेश सरकार बनाउन सहमत भएको बताएका छन् ।
भदौ २२ गते सम्म निवार्चन आयोगले प्रदेश र स्थानीय तहका जनप्रतिनिधिलाई दल रोज्न समय दिएको छ ।
