काठमाडौं १० भदौ । प्रमुख प्रतिपक्षी दल नेकपा एमालेका नेता गोकुल बाँस्कोटाले माधव नेपालको नयाँ नेकपा एकिकृत समाजवादी पार्टीलाई पुलमुनिको खेतमा न त बन्छ घर न फल्छ धान मकै भन्दै व्यंग्य गरेका छन् ।
हिजो बुधाबार निवार्चन आयोगले १६६ नं मा नेपालको नेकपा एस पार्टी दर्ता गरेपछि नेता बाँस्कोटाले यस्तो ट्वीट गरेका हुन् । नेता बाँस्कोटाले घुमाउरो शैलीमा पार्टीमा प्रवेश गर्ने नेताहरुलाई समेत पसीना पानीमा मल बीऊ बाढीमा हात मात्रै टाउकोमा होली नि भन्दै टिप्पणी समेत गरेका छन् ।
प्रचण्डमा विलिन हुनलाई यस्तो गरेको समेत उनले नेपाल माथि आरोप लगाएका छन् ।
उनले भनेका छन्, ‘पुलमुनीको खेत कित्ता नं १६६ वाला लालपुर्जे काका दंगदास भैराथे।किन रै छ भनेको त चार मैहिनामै प्रचण्डमै विलीन हुन रैछ।हे!राम, राम, राम पुलमुनीको खेतमा न त बन्छ घर न फल्छ धान मकै। पसीना पानीमा मल बीऊ बाढीमा हात मात्रै टाउकोमा !’
