महोत्तरी ९ भदौ । पाँच वर्षीय छोराको हत्या गरेको अभियोगमा एक महिलालाई महोत्तरी जिल्ला अदालतले जेल चलान गरेको छ ।
जिल्लाको रामगोपालपुर नगरपालिका–६ बस्ने चन्द्रकिशोर यादवकी कान्छी पत्नी २० वर्षीया रागनी देवीले छोरा ५ वर्षीय रितेश यादवको घाँटी थिची हत्या गरेको खुल्न आएकोले उनलाई लाई हत्या पुर्पक्षका लागि जलेश्वर कारागारमा चलान गरिएको हो ।
मृतक बालकका बुबालई भने साधारण तारेखमा छोडिएको छ । जेठी पत्नी हुँदा हुँदै कान्छी भित्राएपछि बालका बुबा चन्द्रकिशोरलाई जेठी श्रीमतीले ५ वर्षीय र अढाई वर्षीय आफ्ना दुई सन्तान (छोरा) लाई पतिकै जिम्मालगाई माइत बस्दै आएकी थिइन् ।
सौतेनी आमाले गत साउन १४ गते बाललको हत्या गरी फरार भएकी थिइन् । तर घटना भएकै दिन प्रहरीले बुबालाई महोत्तरीबाटै र सौतेनी आमालाई धनुषाबाट पक्राउ गरेको थियो ।
