काठमाडौँ ८ भदौ । नेपालमा पछिल्लो २४ घण्टामा थप २ हजार ५२५ जनामा कोरोना भाइरस संक्रमण पुष्टि भएको छ । योसँगै हाल सम्म नेपालमा संक्रमितको कुल संख्या ७ लाख ५१ हजार १ पुगेको छ
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा ९ हजार ९०९ जनामा गरिएको पीसीआर परीक्षणमा २हजार०२० र ४हजार९०१ एन्टिजेन परीक्षणमा ५०५ जना गरी २हजार५२५ जनामा संक्रमण पुष्टि भएको हो ।
त्यसै गरी, पछिल्लो २४ घण्टामा २ हजार ८६ जना कोरोना भाइरस संक्रमणमुक्त भएको मन्त्रालयले जनाएको छ । मन्त्रालयले दिएको जानकारी अनुसार पछिल्लो २४ घण्टामा ३५ जना कोरोना संक्रमितको ज्यान गएको छ । योसँगै नेपाल मृत्यु हुनेको संख्या १० हजार ५६८ पुगेको छ ।
