अभिनेत्री हुदै निर्देशक सम्मको यात्रा तय गर्न सफल भएकी दीपाश्री निरौलाको आज जन्म दिन । उनी आज बाट ४५ बर्षलाई बिदाई गर्दै ४६ औ बर्षमा प्रबेश गरेकी छिन् । काठमाण्डौमा आफ्नो अलग्गै पहिचान बनाउन सफल भएको रेडियो अडियोले दीपाको जन्म दिन धुमधामका साथ कार्यक्रमको आयोजना गरी मनाएको छ ।
कलाकारहरुको जन्म दिनमा यस रेडियोले बिशेष कार्यक्रमको आयोजना गरेर मनाईदिने गरेको छ । त्यस्तै दीपाको पनि रेडियो अडियोमा जन्म दिन मनाइएको हो । उक्त जन्म दिनको कार्यक्रममा दीपाका नजिकका साथी तथा चर्चित हाँस्यकलाकार दीपकराज गिरी सहित अन्य हाँस्यकलाकारहरुको समेत उपस्थिती रहेको थियो ।
कार्यक्रममा माग्ने बुढा केदार घिमिरे, उनकी श्रीमती, दमन रुपाखेती, पुर्ण थापा, राजा राजेन्द्र लगायतको उपस्थितीका बीच दीपाको जन्म दिन मनाइएको हो । उनलाई उपस्थित सबैले जन्म दिनको शुभकामना दिएका थिए ।
उनले आफ्नो जन्म दिनको बेला अघिल्लो वर्ष ‘महानायक’ विषयमा भएको विवादमा आफू एक्लिएको र उक्त कठिन अवस्था सम्झँदै भावुक बनेकी थिईन् । त्यतिबेला आफुलाई साथ दिने सबैलाई उनले धन्यवाद समेत दिएकी थिईन् ।
