इंग्लिस प्रिमियर लिग फुटबल अन्र्तगत आज भएको खेलमा म्यानचेस्टर युनाईटेड साउथह्याम्पटनसँग बराबरीमा रोकिएको छ । आइतबार राति भएको खेलमा युनाईटेड लाई साउथह्याम्पटनले एक एक गोलको बराबरीमा रोक्न सफल भएको हो । घरेलु मैदानको फाइदा उठाउँदै साउथह्याम्पटनले खेलमा अग्रता बनाएको थियो ।
उसले गोल गरेर भन्दा पनि आत्मघाती गोल उपहार स्वरुप पाएर अग्रता बनाएको थियो । खेलको ३० औं मिनेटमा युनाईटेडका फ्रेडले आत्मघाती गोल गरेका थिए । तर यो उपहार स्वरुप पाएको अग्रता भने कायम राख्न सकेन । खेलको ५५ औं मिनेटमा मासन ग्रीनउडले गोल गर्दै युनाईटेडलाई एक एक गोलको बराबरीमा ल्याएका थिए ।
यो बराबरीसँगै युनाईटेडले २ खेलमा ४ अंक जोडेको छ । युनाईटेड तालिकाको चौंथो स्थानमा रहेको छ । १३ औं स्थानको साउथह्याम्पटनले २ खेलमा १ अंक जोडेको छ ।
