सर्लाही ६ भदौ । कटुवा पेस्तोल सहित प्रहरीले एक जनालाई पक्राउ गरेको छ । पक्राउ पर्नेमा लंगवा नगरपालिका ११ ठुलो पल्सी बस्ने ३० वर्षीय समसुद्दिन अंसारी रहेका छन् ।
अंसारी र उनकै दाजु बीच बादबिवाद भई झै–झगडा भएको सुचनाको आधारमा अस्थायी प्रहरी पोष्ट पेट्रोलपम्प र जिल्ला प्रहरी कार्यालय सर्लाहीबाट खटिएको प्रहरीले घटनास्थल पुग्दा अंसारीको कम्मरमा भिरेको गोली लोड भएको अवस्थामा उक्त पेस्तोल प्रहरीले बरामत गरेको हो ।
यस सम्बन्धमा थप अनुशन्धान भइरहेको प्रहरीले जनाएको छ ।
