निर्माणाधीन आफ्नै घरमा मोटरबाट पानी तानेर हाल्दै गर्दा करेन्ट लागेर २४ बर्षीय सन्तोषको हात डढ्यो, घटनास्थलमै मृत्यु
तनहुँ, १ भदौ -करेन्ट लागेर तनहुँमा एक युवकको मृत्यु भएको छ । बन्दिपुर गाउँपालिका–१ बेलभञ्ज्याङका २४ बर्षीय सन्तोष थापाको मंगलबार करेन्ट लागेर मृत्यु भएको हो ।
निर्माणाधीन आफ्नै घरमा मोटरबाट पानी तानेर हाल्दै गर्दा करेन्ट लागेर मृत्यु भएको तनहुँका डिएसपी युवराज तिमिल्सिनाले बताए ।
उनको घटनास्थलमै मृत्यु भएको थियो । ‘करेन्ट लागेर हात डढेको देखिन्छ’, डिएसपी तिमिल्सिनाले भने । दमौली अस्पतालमा पोष्टमार्टम गरेपछि दाहसंस्कारका लागि परिवारले शव लगेको उनले बताए ।
