काठमाडौँ ३२ साउन । नेपालमा पछिल्लो २४ घण्टामा ३ हजार ४५१ जनामा कोरोना भाइरस संक्रमण पुष्टि भएको छ । यो सँगै हाल सम्म नेपालका कोरोना संक्रमतिको संख्या ७ लाख ३४ हजार ८३८ पुगेको छ ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा १० हजार ९३ पीसीआर परीक्षण गर्दा २ हजार ५६६ जना र ५ हजार ५१८ एन्टिजेन परीक्षण गर्दा ८८५ गरी ३ हजार ४५१ जनामा कोरोना भाइरसको संक्रमण पुष्टि भएको हो ।
यसैगरी पछिल्लो २४ घण्टामा ३५ जना कोरोना संक्रमितको ज्यान गएको छ भने २ हजार ४५८ जना कोरोना संक्रमण मुक्त भएका छन् ।
देशभर सक्रिय संक्रमितको संख्या ३९ हजार ३७१ जना रहेको पनि मन्त्रालयले जनाएको छ ।
