काठमाडौँ- दोस्रो लहरको संक्रमणको ‘हटस्पट’ बनेको भारतमा केही दिन यतिा संक्रमितको दैनिक वृद्धिमा कमी आएको छ । पछिल्लो २४ घण्टामा भारतमा २ लाख ६३ हजार ६५ जनामा संक्रमण भएको छ ।
यसअघि भारतमा पहिलो पटक १८ वैशाखमा कोरोना संक्रमितको दैनिक वृद्धि ४ लाख नाघेको थियो ।संक्रमितको दर घटे पनि मृत्युदर भने घटेको छैन । अहिले पनि दैनिक चार हजारको हाराहारी संक्रमितको मृ त्यु भइरहेको छ ।
पछिल्लो २४ घण्टामा त्यहाँ ४ हजार ३४० जनाको मृ त्यु भएको छ । यो सँगै भारतमा कोरोनाबाट मृ त्यु हुनेको संख्या २ लाख ७८ हजार ७५१ पुगेको छ ।यो समाचार तयार पार्दासम्म भारतमा २ करोड १५ लाख ९० हजार ३ जना संक्रमणमुक्त भएका छन् । अब भारतमा सक्रिय संक्रमितको संख्या ३३ लाख ५९ हजार २१६ छ ।
