बर्दिया- बर्दियामा एकै टोलका ३ किशोरी बेपत्ता भएका छन् ।बर्दियाको ठाकुरबाबा नगरपालिकाका ३ किशोरीहरु एकै पटक हराएपछि पुरा गाँउ नै चिन्तामा रहेको छ ।
बेपत्ता हुनेमा ठाकुरबाबा नगरपालिका ९ का तीन किशोरीहरु सावित्री बराइली, यमुना परियार र अनिता पुन मगर रहेका छन् । हराएपछि उनीहरुका अभिभाबले अस्थायी प्रहरी पोष्ट ठाकुरद्वारमा खोजी गरिदिनका लागि निवेदन दिएका छन् ।
हराएका सबै किशोरीको उमेर १६ वर्ष रहेको छ। सावित्रीका दाजु पूर्णबहादुर बराईलीले प्रहरीमा दिएको निवेदनमा तीन किशोरीहरु शुक्रबार बिहानदेखि सम्पर्क विहिन भएको उल्लेख गरिएको छ।
