इंग्लिस प्रिमियर लिग फुटबलमा आज भएको खेलमा एभर्टनले विजयी सुरुवात गरेको छ । उसले साउथह्याम्पटनलाई तीन एक गोल अन्तरले पराजित गर्दै सुखद सुरुवात गरेको हो । साउथह्याम्पटनको अग्रतालाई उल्टाउँदै एभर्टनले आफ्नो यात्रालाई सुखद बनाएको हो ।
एभर्टनलाई जित दिलाउन रिचार्लीसन, अब्दुलाए डुकुरे र डोमिनिक काल्भर्ट लेविनले एक एक गोल गरे । साउथह्याम्पटनका एडम आर्मस्ट्रोङले सूरुवाती चरणमै गोल गरे पनि टिमलाई जित दिलाउन भने सकेनन् । यो जित संग आफ्नो अंकतालिकाको खातामा ३ अंक जोड्न सफल भएको छ एभर्टन ।
चेल्सीको सुखद सुरुवात, क्रिस्टल तीन शुन्यले पराजित
इंग्लिस प्रिमियर लिग फुटबलमा क्रिस्टल प्यालेसले हार बाट खेलको सुरुवात गरेको छ । आज भएको खेलमा चेल्सी संग नमज्जाले पराजित भयो क्रिस्टल । उता चेल्सीले भने सिजनको पहिलो खेलमै सुखद सूरुवात गरेको छ । आज भएको खेलमा क्रिस्टल प्यालेसलाई तीन शुन्य गोल अन्तरले पराजित गर्दै चेल्सीले नयाँ सिजनमा बिजयी सुरुवात गरेको हो ।
घरेलु मैदानमा चेल्सीलाई जित दिलाउन मार्कोस अलन्सो, क्रिस्टियन पुलिसिच र त्रिभो चालोबाहले महत्वपुर्ण एक एक गोलको योगदान दिए । यो जितसँगै चेल्सीले सिजनको पहिलो खेलमा महत्वपूर्ण तीन अंक बटुल्न सफल भएको छ ।
