काठमाडौँ ३० साउन । सत्तारुढ दल नेपाली कांग्रेसका वरिष्ठ नेता रामचन्द्र पौडेल पक्षको बैठक चलिरहेको छ ।
बैठक नेता डा. शशांक कोइरालाको निवास महाराजगमा बसिरहेको छ । बैठकमा वरिष्ठ नेता पौडेल, पूर्वमहामन्त्री प्रकाशमान सिंहलगायतका नेताहरुको सहभागी रहेको छ ।
अहिले केही बेर पछी बस्ने पार्टीको केन्द्रीय समिति बैठक अगावै पौडेल पक्षका नेताहरु छलफलमा जुटेका हुन् । भदौमा महाधिवेशन नहुने भएपनि नयाँ कार्यतालिका ल्याउने विषयमा विवाद भइरहेको छ ।
सत्ता पक्षले मंसिरमा गर्ने भन्दै आएको छ भने इतर पक्ष भदौ २३ बाट महाधिवेशनको प्रक्रिया सुरु गरेर दशैँ अगावै महाधिवेशन गर्नुपर्छ भन्ने पक्षमा छ ।
