नेपाली कथानक चलचित्र कुइनेटोको टीजर सार्वजनिक भएको छ । मिडिया एण्ड ईन्टरटेनमेन्ट प्रालि र पिम नेपालको संयूक्त प्रस्तुतिमा कमला जोशी निर्माण रहेको यस फिल्म एकदमै मौलिक कथावस्तुमा आधारीत रहेको फिल्म निर्माण पक्षले जनाएको छ ।
सुदुरपश्चिमका ग्रामीण भेगमा छायांकन गरिएको यो फिल्ममा स्थानिय चौधरी र अछामी भाषा , संस्कृति तथा भेषभुषा प्रयोग गरिएको छ । फिल्म हास्यकथामा आधारीत रहेको निर्देशक माधव राज खरेलले जानकारी दिए ।
फिल्ममा श्रीदेव भट्टराई, सानिया खान, श्रीजु अधिकारी, केशव रापकोटा, मनीराज लिम्बु लगायतको अभिनय रहेको छ । फिल्मको निर्मातामा कमला जोशी र छायांकन जनकराज अधिकारीले गरेका छन् । यस फिल्मको टीजर ओएस आर डिजिटलमा सार्वजनिक गरिएको छ ।
