कहिले काँही भाग्यको पनि भर पर्नु पर्छ भन्ने चरितार्थ सार्थक भएको छ दाङकी एक महिलाको जिवनमा । उनी भाग्यले बाँचेकी छिन् । दाउरा लिन भनेर गढवा गाउँपालिका ३ की ४० वर्षीया टेकरानी चौधरी घर बाट निस्किन ।
उनी दाउराको जोहो गर्न त घर बाट निस्कीन तर राप्ती नदीले उनलाई घर फर्कने मौकै दिएन । राप्ती नदीको उर्लिएर आएको भेल संगै टेकरानी पनि बगिन् । उनलाई लागेको थियो कि अब बाँच्दिन भन्ने तर भाग्यबस उनी सकुशल घर फर्किएकी छिन् ।
बाढीले बगाएर बेपत्ता बनाएको उनको बिहीबार सकुशल उद्धार गरिएको छ । दाउरासँगै बगेर टेकरानी ४ किलोमिटर टाढा लमही नगरपालिका ४ बुटकौवा टापुमा पुगेर अडिएकी थिएन ।
चौधरीलाई सशस्त्र प्रहरी र नेपाल प्रहरीको टोलीले डुंगामार्फत उद्धार गरेको प्रहरीले जानकारी दिएको छ । टेकरानीको अहिले लमही अस्पतालमा उपचार भइरहेको बताइएको छ ।
