काठमाडौँ २८ साउन । स्वास्थ्य तथा जनसंख्या राज्यमन्त्री उमेश श्रेष्ठले अघिल्लो सरकारले १८ महिनामा ९७ लाख खोप ल्याएर ४२ लाखलाई मात्र दोप लगाएको बताएका छन् ।
आज बिहिबार प्रतिनिधिसभाको बैठकमा बोल्दै राज्यमन्त्री श्रेष्ठले नेपालमा ५ करोड ५० लाख खोप आवश्यक पर्ने बताउँदै यस्तो बताएका हुन् ।
नयाँ सरकार आएपछि खोप लगाउने संख्या बढेर ७५ लाख पुगेको बताएका छन् । असोज मसान्तभित्र १ करोड ८ लाख खोप प्राप्त हुने सुनिश्चित भएको छ बताएका श्रेष्ठले भने, ‘अहिले दिनमा डेढ देखि २ लाख जनालाई दिनकै खोप पाएका छन्’ ।
किशोर र किशोरीलाई लक्षित फाइजर र मोर्डनाको खोप ल्याउँने तयारी समेत भएको उनले बताएका छन् । दैनिक कुल परीक्षणको २५ प्रतिशतमा संक्रमण देखिएको हुदाँ जनस्वास्थ्यको मापदण्ड पालना गर्न समे श्रेष्ठले आग्रह गरेका छन् ।
