काठमाडौं ।जोर्गिन्हो मुख्य युरोपियन प्रतियोगिताको सबै उपाधि जित्ने चेल्सीका पहिलो खेलाडी बन्न सफल भएका छन् । इटालियन मिडफिल्डर जोर्गिन्होयूईएफए सुपर कपको उपाधि जितेसँगै सबै युरोपियन उपाधि जित्ने चेल्सीका पहिलो खेलाडी बन्न सफल भएका हुन् ।
जोर्गिन्हो र इमर्सन पाल्मेरी एकै वर्षमा युरोकप, च्याम्पियन्स लिग र सुपर कप जित्ने पहिलो खेलाडी बनेका छन् । जोर्गिन्होलाई यस पटक बालोन डीुओर उपाधिको दाबेदार मानिएको छ ।
बुधबार राति भएको फाइनलमा स्पेनिस क्लब भिलारियललाई पेनाल्टी सुटआउटमा पराजित गर्दै चेल्सीले सुपर कपको उपाधि जितेको थियो ।यस अघि जोर्गिन्होले चेल्सीका लागि युरोपा लिग र च्याम्पियन्स लिग जितेका थिए । युरो(२०२० को उपाधि समेत जोर्गिन्होले इटालीबाट जितेका थिए ।
