काठमाडौं । आन्तरिक विप्रेषण बन्द भएको अवस्थामा अवैध रूपमा विप्रेषण कारोबार सञ्चालन गरेको अभियोगमा विभिन्न ११ जिल्लाबाट २१ जना कारोबारी पक्राउ परेका छन्। नेपाल राष्ट्र बैंकको आदेश र निर्देशनको अवहेलना गर्दै अवैध रूपमा ठूलो मात्रामा रकम कारोबार गरेको आरोपमा उनीहरू पक्राउ परेका हुन्।

विदेशबाट विप्रेषण बापत प्राप्त रकमलाई अवरोध गरी आन्तरिक बिप्रेषणको नाममा नेपालमा अवैध कारोबार (भन्सार चोरी पैठारी, सुनको अवैध कारोबार, कर छली) जस्ता गैरकानुनी गतिविधिमा संलग्न समूहले डिजिटल वालेट कम्पनीहरू — सजिलो पे र पेवेल नेपाल प्रा.लि. मार्फत रकम संकलन गरी, विभिन्न मनी ट्रान्सफर कम्पनीहरू प्रयोग गरी रकम ट्रान्सफर गरेको खुलासा भएको छ।

नेपाल राष्ट्र बैंक ऐन, २०५८ बमोजिम कसुर गरिएको भन्दै हाल पक्राउ परेका व्यापारीहरूबाट हालसम्म करिब १७ अर्ब ८६ करोड ७० लाख ३९ हजार १०७ रुपैयाँ बराबरको अवैध कारोबार भएको खुलेको छ।

पक्राउ परेका व्यक्तिहरू र उनीहरू आवद्ध कम्पनीहरू निम्नानुसार छन्:

नेपाल राष्ट्र बैंकले जारी गरेको निर्देशन विपरित कारोबार गरी गैरकानूनी रकमको कारोबार गरेकोमा उनीहरूमाथि थप अनुसन्धान भइरहेको छ। यसबारेमा सम्बन्धित निकायले विस्तृत छानबिन अगाडि बढाएको जनाएको छ।