काठमाडौं- हाँस्य कलाकार राजाराम पौडेलले कोरोना सङ्क्रमितलाई अक्सिजन किन्नका लागी १ लाख सहयोग गरेका छन् ।उनले अक्सिजन जोहोमा लागि भन्दै महावीर पुनको संस्था राष्ट्रिय आविस्कार केन्द्रलाई उक्त रकम सहयोग गरेका हुन् ।पौडेलले पुनलाई सम्पर्क गरेर आफू पनि आम जनता बचाउने अभियानमा सहयोगी बन्ने भन्दै उक्त रकम आविस्कार केन्द्रको बैंक खातामा जम्मा गरिदिएका हुन् ।
रकम जम्मा गरिदिएको कुरा उनले सामाजिक संजाल मार्फत जानकारी दिएका हुन् । पछिल्लो हप्ता आफ्ना छोरा बुहारीमा कोरोना देखिएका कारण धेरै समस्या भोगेपछि उनले सहयोग रकम दिएका हुन् ।
उनले सामाजिक संजालमा लेखेका छन् ‘कोरोनाको कारण धेरै नेपाली दाजुभाइ, दिदीबहिनीहरुले ज्यान गुमाइरहनु भएको छ । पैसाको कारण भन्दा पनि अक्सिजन नपाएको कारणले धेरैको ज्यान गइरहेको छ’ पौडेलले अगाडि लेखेका छन्, ‘मस्तिष्कमा लाग्यो पैसाले स्वास फेर्न सकिँदो रहेनछ, स्वास फेर्न अक्सिजन नै चाहिंदो रहेछ। त्यसैले अक्सिजनको व्यबस्था गर्न बिस्वासिलो र आफ्नो सम्पूर्ण जीवन समाज सेवामा अर्पण गर्नू भएका डा। महावीर पुनको संस्था ‘राष्ट्रिय आविस्कार केन्द्र’ लाई आफूले सकेको सहयोग अर्पण गरेको छु ।’
