काठमाडौं – नेपालको अग्रणी लक्जरी इलेक्ट्रिक भेहिकल (इभी) ब्रान्ड दिपलले आफ्नो पहिलो वर्ष उल्लेखनीय उपलब्धि र महत्वपूर्ण कोशेढुङ्गाहरू हासिल गर्दै भव्य रूपमा मनाएको छ। नेपालमा सार्वजनिक भएको एक वर्षमै दिपलले ८०० भन्दा बढी ग्राहकको मन जितेर देशको नम्बर १ लक्जरी इभी ब्रान्डको रूपमा आफूलाई स्थापित गर्न सफल भएको छ।
एमएडब्लु वृद्धि अटोकर्पको नेतृत्वमा दिपलले ‘इलेक्ट्रिक मोबिलिटी र इनोभेसन’को क्षेत्रमा आफ्नो बलियो उपस्थिति कायम गरेको छ। ग्राहकको अपार साथ र विश्वासका कारण दिपलले छोटो समयमै यो सफलता हासिल गरेको हो। पहिलो वर्षमा दिपलले चार अत्याधुनिक इभी मोडलहरू—दिपल एस०७, दिपल एल०७, दिपल एस०७ एल र दिपल ई०७—सार्वजनिक गरेको छ। यी मोडलहरूमा ‘जेस्चर कन्ट्रोल’, ‘एआर–एचयुडी’, र ‘सनफ्लावर टचस्क्रिन’ जस्ता १० भन्दा बढी ‘इन्डस्ट्री–फर्स्ट’ फिचरहरू समावेश छन्, जसले इभी प्रयोगकर्ताहरूको अपेक्षालाई नयाँ आयाम दिएको छ।
चार्जिङ सञ्जाल र सेलिब्रिटी सहकार्य
एमएडब्लु वृद्धिले हाल नेपालभर ९६ भन्दा बढी चार्जिङ स्टेसन सञ्चालनमा ल्याएको छ, जुन नेपालकै सबैभन्दा ठूलो चार्जिङ सञ्जाल हो। यसले दिपलको इभी प्रयोगकर्ताहरूलाई सहज र भरपर्दो सेवा प्रदान गरेको छ। साथै, दिपलले नेपालका चर्चित क्रिकेट आइकन तथा पूर्वकप्तान पारस खड्कालाई आफ्नो ब्रान्ड एम्बास्डर बनाएको छ। नीति शाह, सन्दीप क्षेत्री, प्रतिश जिसी, सुशान्त केसी, श्वेता खड्का, जोन चाम्लिङ राईलगायत ३० भन्दा बढी सेलिब्रिटी र खेलाडीहरूले दिपललाई आफ्नो यात्राको साथी बनाएका छन्।
दिपलले अन्तर्राष्ट्रिय ख्यातिप्राप्त क्रिकेट लिजेन्ड ब्रायन लारा र बलिउड गायक सोनु निगमलाई नेपाल ल्याएर ब्रान्डको पहुँच र प्रभाव विस्तार गरेको छ। यस्ता गतिविधिले नेपाललाई अन्तर्राष्ट्रिय सहकार्यको गन्तव्यका रूपमा समेत चिनाएको छ।
पुरस्कार र सम्मान
पहिलो वर्षमै दिपलले उल्लेखनीय मान्यता प्राप्त गरेको छ। चांगान अटोको सहकार्यमा ‘इभी इनोभेसन’ र ‘ग्रिन मोबिलिटी’मा योगदान पुर्याएबापत एमएडब्लु वृद्धिले ‘सांग्रिला न्यु इनर्जी अवार्ड’ हासिल गरेको छ। त्यस्तै, ‘टेकलेख’ले दिपल एस०७ लाई ‘एसयुभी अफ द इयर २०२४’ को सम्मान प्रदान गरेको छ।
दोस्रो वर्षको प्रतिबद्धता
दोस्रो वर्षमा प्रवेश गर्दैगर्दा दिपलले आफ्ना ग्राहक, प्रविधि, र नेपाललाई दीर्घकालीन तथा उत्साहजनक इलेक्ट्रिक भविष्यतिर डोर्याउने प्रतिबद्धता व्यक्त गरेको छ। कम्पनीले आफ्नो पहिलो वर्षको सफलताका लागि ग्राहक, डिलर, मिडिया, इन्फ्लुएन्सर र टिमप्रति हार्दिक आभार प्रकट गरेको छ।
दिपलको यो यात्राले नेपालमा इलेक्ट्रिक मोबिलिटीको क्षेत्रमा नयाँ क्रान्ति ल्याउने संकेत गरेको छ।
