काठमाडौँ – ब्युटिसियन ट्यालेन्ट नेपाल २०२५को सिजन ७ को ग्रान्ड फिनाले आगामी २८ चैतमा ज्यापु प्रज्ञा प्रतिष्ठान, च्यासल, ललितपुरमा हुने भएको छ। यो प्रतियोगिता रोज ब्युटी एकेडेमी र विलक्षण क्रियसन प्रा.लि. द्वारा आयोजित गरिएको हो।
प्रतियोगिताको ट्यालेन्ट राउन्ड हालै त्रिपुरेश्वर स्थित डि भ्याली रेष्ट्रोमा सम्पन्न भएको छ, जहाँ प्रतियोगीहरूले ब्राइडल मेकअप, जुरो, मेहन्दी आर्ट, नेल आर्ट जस्ता विभिन्न कला प्रस्तुत गरेका छन्। यस ट्यालेन्ट राउन्डपछि १७ प्रतियोगी फाइनल चरणमा प्रवेश गरेका छन्।
फाइनलको लागि चयन भएका १७ प्रतियोगी
ग्रान्ड फिनालेमा प्रतिस्पर्धा गर्ने १७ प्रतियोगीहरूमा निशा रजक, रोशनी पुजारी, रविना ठकुरी, रचना बज्राचार्य, सुमित्रा खवास, स्नेहा चौधरी, सुजिता अधिकारी, दुर्गा सुवेदी, सुजिता दयाल, निर्माला पौडेल, स्मृति सुब्बा, सपना रसाईली, अन्जनी चौधरी, मनसरा राई, सुनिशा शाक्य, स्वस्तिका बस्नेत र पुजा विश्वकर्मा बस्नेत रहेका छन्।
निर्णायकको टोली
ब्राइडल मेकअप को निर्णायकमा गीता खनाल, उषा गुरुङ, कस्मोलोजिष्ट परिषी कारंजित, डेन्टिस्ट सागर जोशी, र ब्युटिसियन ट्यालेन्ट नेपाल सिजन ३ की विजेता लिना डंगोल थिए। ब्राइडल जुरोको निर्णायकमा शर्मिला बुढाथोकी, लायन नकुल गिरी, र सुरेन्द्र गिरी थिए। नेल आर्ट र मेहन्दी आर्टको निर्णायकमा नेल टेक्निसियन सुजन तिमिल्सिना र मनिषा श्रेष्ठ थिए।
उद्घाटन र शुभकामना
कार्यक्रमको उद्घाटन पानसमा बत्ति बालेर गणेशमान सिंह बहु प्राविधिक शिक्षालयका प्रिन्सिपल डिएन पराजुलीले गरेका थिए। उनले प्रतिस्पर्धीलाई शुभकामना दिँदै, यो प्रतियोगिता ब्युटिसियनहरूको व्यक्तित्व विकास, प्रतिभा प्रस्तुति र समाजमा सशक्त उभ्याउन मद्दत पुर्याउने बताए।
विजेताहरूको घोषणा
सिजन ७ का ट्यालेन्ट राउन्डका विजेताहरूको घोषणा २८ चैतको ग्रान्ड फिनाले समारोहमा गरिनेछ, जसको जानकारी रोज ब्युटी एकेडेमीकी अध्यक्ष सोनी कारंजितले दिइन्।
डब्बु क्षत्री, अर्का आयोजकले भने, “हामीले पार्लरमा रहेका ब्युटिसियनलाई बाहिर ल्याई उनीहरूको व्यक्तित्व विकास, प्रतिभा प्रस्तुति र महिला सशक्तिकरणको लागि यो प्रतियोगिता गर्दै आएका छौं।”
