काठमाडौं – नेपाली सिनेमा प्रेमीहरूका लागि नयाँ वर्ष २०८२ को अवसरमा आउँदै गरेको बहुप्रतीक्षित फिल्म ‘पिताम्बर’ को एक्सनपुर्ण ट्रेलर सार्वजनिक भएको छ। मंगलबार राजधानीमा आयोजित विशेष कार्यक्रममा निर्माण टिमले ट्रेलर रिलिज गरेको हो।
सुरक्षा पन्तको भावनात्मक दृश्यबाट सुरु हुने ट्रेलरमा एक्सन र बदला लिने कथालाई केन्द्रमा राखिएको देखिन्छ। फिल्मका अधिकांश कलाकारलाई ट्रेलरमा स्थान दिइएको छ। बुढासुब्बा डिजिटलमार्फत सार्वजनिक ट्रेलरले दर्शकमाझ उत्सुकता बढाएको छ।
निर्देशकको आत्मसमर्पण
फिल्मकी निर्देशक कृषा चौलागाईं ले ट्रेलर सार्वजनिक गर्दै दर्शकसँग आत्मसमर्पण गरिसकेको बताइन्। “टिजर, गीत, पोस्टरजस्तै ट्रेलरलाई पनि दर्शकले मन पराइदिनुहुन्छ भन्नेमा ढुक्क छौं,” उनले भनिन्।
फिल्मका निर्माता विशाल चौलागाईं ले “नेपाली फिल्म उद्योगलाई एउटा उत्कृष्ट फिल्म दिएको छु” भन्दै निर्माण टिम मिलेर अगाडि बढ्नुपर्ने आवश्यकता औंल्याए।
स्टारकास्ट र निर्माण टिम
केपी फिल्मस् र पुरुषोत्तम प्रधान फिल्मसको व्यानरमा बनेको ‘पिताम्बर’ मा प्रदीप खड्का, दयाहाङ राई, सौगात मल्ल, आर्यन सिग्देल, अनुपविक्रम शाही, सुरक्षा पन्त, गौरी मल्ल, रविन्द्र झा, प्रमोद अग्रहरि लगायतका कलाकारको अभिनय छ।
फिल्मको पटकथा र संवाद प्रदीप भारद्वाज र अभिमन्यु निरवी ले तयार गरेका हुन्। छायांकन पुरुषोत्तम प्रधान, शेरबहादुर लामा, र मानकृष्ण महर्जन ले गरेका छन्। द्वन्द्व निर्देशन हिमाल केसी को रहेको छ भने, सम्पादन बन्दे प्रसाद ले गरेका छन्। संगीत आशीष अविरल र बाबुल गिरी को छ।
फिल्मको वितरण आरआर फिल्मस् ले गर्नेछ भने, फिल्म चैत २९ गतेबाट देशभरका हलमा प्रदर्शन हुनेछ।
👉 के तपाईं ‘पिताम्बर’ हेर्ने तयारी गर्दै हुनुहुन्छ? तपाईँको प्रतिक्रिया के छ?
