‘चमेलीको पोइ’ मा मुकुन र सुरक्षा, ‘प्रेम चरो’ को कमब्याक — OSNepal

‘चमेलीको पोइ’ मा मुकुन र सुरक्षा, ‘प्रेम चरो’ को कमब्याक

Kesh Karki (USA) April 02, 2025 0

काठमाडौं – निर्देशक एभरेष्ट सूर्य बोहरा को निर्देशनमा बन्ने नयाँ फिल्म ‘चमेलीको पोइ’ मा मुख्य कलाकारका रूपमा मुकुन भुसाल र सुरक्षा पन्त अनुबन्धित भएका छन्। साथै, ६० को दशकका चर्चित हाँस्य कलाकार नारायण त्रिपाठी (प्रेम चरो) ले लामो समयपछि ठूलो पर्दामा कमब्याक गर्दैछन्। तर, फिल्ममा उनको भूमिका भने गोप्य राखिएको छ।

फिल्मको छायांकन आगामी नयाँ वर्ष २०८२ को पहिलो दिन शुभ मुहूर्तसँगै सुरु गरिने भएको छ। पारिवारिक कथानक रहेको यस फिल्ममा बिल्सन बिक्रम राई (तक्मे बुढो), रविन्द्र झा, रजनी गुरुङ, अंशु महर्जन, उमेश राई (फुलन्देकी आमा), बबिन राई (गल्फने), खड्गबहादुर पुन (खबपु), अनुश्का नारायण, मिरा गौतम, अनिल गुरुङ, गणेश गौतम, रितु मल्ल ठकुरी, धनलक्ष्मी बोहरा, मिरा आरएल शाही ठकुरी, प्रकाश कँडेल, बिनोद बज्राचार्य, कपिल आचार्य, प्रदीपकुमार सापकोटा, सुनीता सापकोटा, रामनारायण उपाध्याय लगायत कलाकारको अभिनय रहनेछ।

फिल्म धनलक्ष्मी सिने मेकर्स को सहनिर्माणमा एभरेष्ट सूर्य बोहरा फिल्म्स ले निर्माण गर्दैछ। निर्मातामा सुनीता सापकोटा र रामनारायण उपाध्याय, कार्यकारी निर्मातामा उदय बिक्रम राणा र रितु मल्ल ठकुरी रहेका छन्। सहनिर्मातामा प्रदीपकुमार सापकोटा, कपिल आचार्य, यमप्रसाद ओली, यम बराल, नारायण त्रिपाठी र सुदीप कुँवर छन्।

फिल्मको कथा निर्देशक बोहराले लेखेका छन्, भने सहलेखनमा उनलाई शिवम अधिकारी ले सघाएका छन्। शम्भुजीत बाँसकोटा, राजनराज शिवाकोटी र आशिष अविरल को संगीत रहने फिल्म काठमाडौं, पोखरा र मुस्ताङ मा छायांकन गरिनेछ।

यसअघि ‘कान्छा’, ‘अग्निपरीक्षा’, ‘मुटु’, ‘ठूली’, ‘भैरे’, ‘श्री’ र ‘हेल्लो जिन्दगी’ जस्ता चर्चित फिल्म निर्देशन गरिसकेका निर्देशक बोहराको नयाँ प्रोजेक्ट ‘चमेलीको पोइ’ लाई दर्शकले कत्तिको रुचाउनेछन् भन्ने प्रतीक्षा गरिएको छ।

Leave a Reply

Your email address will not be published. Required fields are marked *

भर्खर