क्वालालम्पुर, मलेसिया – ३१ मार्च २०२५ – मलेसियाको होटल ग्राण्ड कन्टिनेन्टल मा आइतबार एक भव्य समारोहका बीच ‘मिलाप अन्तर्क्रिया, सम्मान एवं सांगीतिक साँझ’ सम्पन्न भएको छ। नेपाली राजदूतावास मलेसियाका प्रथम सचिव बलिराम धामी प्रमुख अतिथि रहेको उक्त कार्यक्रममा नेपाली भाषा, साहित्य, कला र संस्कृतिको संरक्षण र प्रवर्द्धनबारे व्यापक छलफल गरिएको थियो।
कार्यक्रमको विशेषता
कार्यक्रमको संयोजन जनसवाल राष्ट्रिय दैनिक तथा जनसवाल टेलिभिजनका अध्यक्ष एवं सम्पादक रामजी बगाले ले गरेका थिए। कार्यक्रम मिलाप मासिक र मिलाप न्यूजको आयोजनामा तथा मिलापकी कार्यकारी सम्पादक गीता अधिकारीको सभापतित्वमा सम्पन्न भएको थियो।
विशेष अतिथि एवं वक्ताहरू:
• एनआरएनए आईसिसी उपाध्यक्ष खगेन्द्र न्यौपाने
• पर्यटन दूत मलेसिया नेत्र केसी
• एनआरएनए मलेसिया अध्यक्ष विनोद थापा
• एनआरएनए मलेसियाका पूर्वअध्यक्ष महेन्द्रजंग शाह
• नेपाली जनसम्पर्क समिति मलेसिया अध्यक्ष चोलाकान्त पंगेनी
• प्रवासी नेपाली मञ्च मलेसिया अध्यक्ष दयाराम कुमाल
• नेपाल वैदेशिक रोजगार व्यवसायी संघ मलेसिया अध्यक्ष कमल गौतम
• एनआरएनए आईसिसी सदस्य टेकबहादुर टमटा
• समाजसेवी एवं व्यवसायी नरेन्द्र राउत, श्याम कार्की, राजेन्द्र सिंह भण्डारी
• मलायखबरका प्रतिनिधि एन चौधरी
• बारा दैनिकका सम्पादक कृष्ण गुप्ता
• सुदूरपश्चिम सेवा समाज मलेसिया अध्यक्ष दिनेश खड्का
सम्मान तथा सांगीतिक प्रस्तुति
कार्यक्रममा विशेष अतिथि एवं समाजसेवीहरूलाई सम्मानपत्र एवं मायाको चिनो प्रदान गरिएको थियो।
सांगीतिक कार्यक्रममा गायक मञ्जु लावती, कृष्ण रसाल, केशव कोइराला, उर्मिला खत्री (रिया), रामबाबु पटेल, रमेश पाठक, शिला गजुरेल, विराट बास्कोटा, राजु शेर्मा, मुकेश गुरुङ, जोसिफा गुरुङ, ईसान श्रेष्ठ लगायतका कलाकारहरूले साङ्गीतिक प्रस्तुति दिएका थिए।
कार्यक्रमले प्रवासी नेपाली समुदायबीच आपसी समन्वय, भाषा, संस्कृति, कला एवं परम्परालाई जोगाउने उद्देश्य राखेको आयोजकहरूले बताएका छन्।
