काठमाडौं – जनता समाजवादी पार्टी, नेपालले इस्लाम धर्मावलम्बीहरूको महान पर्व ईद-उल-फित्र २०८१ को अवसरमा शुभकामना व्यक्त गरेको छ।
पार्टी अध्यक्ष उपेन्द्र यादवद्वारा जारी शुभकामना सन्देशमा स्वदेश तथा विदेशमा रहेका सम्पूर्ण इस्लाम धर्मावलम्बी दाजुभाइ तथा दिदीबहिनीहरूलाई सुख, शान्ति, समृद्धि, दिर्घायु तथा उत्तरोत्तर प्रगतिको शुभकामना व्यक्त गरिएको छ।
शुभकामना सन्देशमा ईद पर्वले भाइचारा, मानवता, पवित्रता र समानताको प्रतिनिधित्व गर्ने उल्लेख गरिएको छ। साथै, भाषा, धर्म, संस्कृति र चाडपर्वको संरक्षण र सम्बर्द्धन गर्नु राज्य तथा सम्पूर्ण नेपाली नागरिकहरूको जिम्मेवारी भएको उल्लेख छ।
जनता समाजवादी पार्टीले ईद पर्वले समाजमा एकता र आपसी सौहार्दको भावना विकास गर्न सहयोग पुर्याउने विश्वास व्यक्त गरेको छ।
