काठमाडौंको तीनकुने क्षेत्रमा भएको हिंसात्मक प्रदर्शन सम्बन्धी प्रेस विज्ञप्ति

Kesh Karki (USA) March 29, 2025 0

पूर्व राजा ज्ञानेन्द्र शाहका समर्थकहरूद्वारा काठमाडौंको तीनकुने क्षेत्रमा शान्तिपूर्ण प्रदर्शन गर्न पूर्व अनुमति लिई नवराज सुवेदीको संयोजकत्व र दुर्गा प्रसाईको अगुवाइमा प्रदर्शन आयोजना गरिएको थियो। तथापि, प्रदर्शनका क्रममा उनीहरूले निषेधित क्षेत्र उल्लंघन गर्दै प्रहरीमाथि ढुंगामुढा प्रहार गर्नुका साथै चलिरहेको सवारी साधन प्रयोग गरी प्रहरीमाथि आक्रमण गरे। साथै, निजी सम्पत्ति, अस्पताल, सञ्चार गृह, प्रहरी कार्यालय, राजनीतिक दलका कार्यालय, व्यापारिक केन्द्रहरू, यातायातका साधनहरू लगायत विभिन्न स्थानमा हिंसात्मक तोडफोड, आगजनी तथा अन्य अपराधिक घटनाहरू घटाएका छन्।

तीनकुनेस्थित एक घरमा मानिस भएकै अवस्थामा आगजनी गरिँदा एकजनाको मृत्यु समेत भएको प्रारम्भिक विवरण प्राप्त भएको छ।

यस प्रकारका अमानवीय, अमर्यादित एवं गैरकानुनी अपराधिक गतिविधिमा संलग्न व्यक्तिहरूलाई अनुसन्धानको दायरामा ल्याई कानुन बमोजिम कारबाही गरिने जानकारी गराइन्छ। साथै, घटनामा संलग्न ५१ जनालाई नियन्त्रणमा लिइ अनुसन्धान भइरहेको व्यहोरा समेत सूचित गरिन्छ।

मानवीय क्षति

मृत्यु भएका व्यक्तिहरू:

१. सबिन महर्जन (उमेर: करिब २९ वर्ष), काठमाडौं जिल्ला, कीर्तिपुर नगरपालिका–४, गाम्छा निवासी। कोटेश्वरस्थित प्रदर्शनको क्रममा घाइते भई शिक्षण अस्पताल महाराजगञ्जमा उपचाररत रहेका निजलाई ऐ. १६:०५ बजे चिकित्सकहरूले मृत्यु घोषणा गरे।

२. तीनकुनेस्थित मार्बल हाउसमा मृत अवस्थामा एक अज्ञात पुरुषको शव फेला परेको छ।

घाइतेहरूको विवरण:

• नेपाल प्रहरीतर्फ: ५३ जना

• सशस्त्र प्रहरी बल नेपालतर्फ: २२ जना

• प्रदर्शनकारीतर्फ: ३५ जना

भौतिक क्षति

सवारी साधन:

• सरकारी सवारी साधन: ९ वटा

• सरकारी/निजी नखुलेका सवारी साधन: ६ वटा

• जम्मा: १५ वटा

आगजनी भएका स्थान:

१. तीनकुने अन्नपूर्ण कम्प्लेक्स