काठमाडौँ २२ साउन । पछिल्लो २४ घण्टामा देशभर कोरोना संक्रमणबाट २५ जनाको ज्यान जाँदा नेपालमा कोरोनाबाट ज्यान गुमाउनेको संख्या १० हजार १९ जना स्वास्थ्य मन्त्रालयले जनाएको छ ।
नेपालमा पहिलो पटक गत वर्षको जेठ ३ गते सिन्धुपाल्चोक बाह्रबिसेकी २९ वर्षीया सुत्केरीले कोरोना सक्रमणबाट ज्यान गुमाएकी थिइन् । आज जम्मा १ हजार ८८५ जना मात्र कोरोना संक्रमण मुक्त भएका छन् ।
त्यसैगरी, पछिल्लो २४ घण्टामा नेपालमा थप ३ हजार ७२९ जनामा कोरोना भाइरस संक्रमण पुष्टि भएको छ । योसँगै नेपालमा कोरोना संक्रमितको कुल संख्या ७ लाख १० हजार ५०९ पुगेको छ ।
