काठमाडौँ २२ साउन । नेकपा माओवादी केन्द्रले आज अपरान्ह्र चार बजे स्थायी कमिटी बैठक बोलाएको छ ।
बैठक पार्टी कार्यालय पेरिसडाँडामा बस्ने भएको छ । सरकारमा सहभागी मन्त्रीको विषयमा थप छलफल गर्न बैठक बोलाएको पार्टी कार्यालयका सचिव श्रीराम ढकालले जनाएका छन् ।
प्रधानमन्त्री शेरबहादुर देउवाले सरकारमा सहभागी हुने मन्त्रीको टुंगो लगाउन दलका शिर्ष नेताहरुलाई जिम्मा दिएसँगै केन्द्रका अध्यष प्रचण्ड निरन्तर छलफलमा लागि परेका छन् ।
समसामयिक राजनीतिक विषय वस्तुमा समेत बैठकमा छलफल गरिने बताइएको छ । सबैले आफुलाई मन्त्री पद दिन आग्रह गरेपछि आफु तनावमा रहेको समेत प्रचण्डले केहि दिन अगाडी बताएका थिए ।