काठमाडौँ- नेपाल कम्युनिष्ट पार्टी (एमाले)का महासचिव शङ्कर पोखरेलले कीर्तिपुर अस्पतालमा उपचाररत उपप्रधानमन्त्री एवं अर्थमन्त्री विष्णुप्रसाद पौडेल र पोखरा महानगरपालिकाका प्रमुख धनराज आचार्यको स्वास्थ्यलाभको कामना गर्नुभएको छ ।
महासचिव पोखरेल अस्पताल पुगी उहाँहरूको स्वास्थ्य अवस्थाबारे जानकारी लिनुभएको थियो । सो क्रममा उहाँले स्वास्थ्यलाभको कामना गर्नुभएको उहाँका स्वकीय सचिव सरोज रेग्मीले जानकारी दिनुभयो ।
उपप्रधानमन्त्री पौडेल र नगरप्रमुख आचार्य पोखरामा शनिबार भएको एक कार्यक्रम उद्घाटनका क्रममा बेलुन पड्किँदा घाइते भई हाल उक्त अस्पतालको सघन उपचार कक्षमा उपचार गराइरहनुभएको छ ।उहाँहरुको अवस्था बुझ्न र स्वास्थ्यलाभको कामना गर्न राष्ट्रपति रामचन्द्र पौडेल र प्रधानमन्त्री केपी शर्मा ओलीसमेत अस्पताल पुग्नुभएको थियो ।
