थारु गीत संगीतलाई अन्तर्राष्ट्रिय स्तरमा चिनाउने तथा प्रचार प्रसार गर्ने उदेश्यले थारु गीत “पंछी दिवाना” को म्युजिक भिडियो अष्ट्रेलियामा छायॉकन गरिएको छ। झुम्की प्रोडक्सन्स व्यानरले अष्ट्रेलियाको विभिन्न ठॉऊमा भिडियो छायॉकन गरेको छ। गीतको फस्ट लुक तथा पोस्टर सार्वजनिक भएको छ। अरुण आर्यन चौधरीले म्युजिक भिडियोमा मोडलिङ गर्दैछन र उनलाई पुजा चौधरीले साथ दिएकी छन। भिडियोको निर्देशन चौधरी स्वयंले गरेका छन भने छायॉकन सिडनी का उत्कृष्ट छायाकार सन्तोष गुरुङले गरेका छन।
भिडियोलाई ज्योती चौधरी र जेसन चौधरीले निर्माण गरेका हुन। नेपालका चर्चित थारु गायक आर. के. थारु र सुमधुर स्वरकी धनी अनु चौधरी को स्वर रहेको गीतमा शब्द तथा संगीत आर. के. थारू को रहेको छ भने गीतको संगीत संयोजन गणेश चौधरीले गरेका छन। गीतको म्युजिक भिडियो छिटै झुम्की प्रोडक्सन्न युट्युव च्यानलमा सार्वजनिक गरिने निर्देशक चौधरीले वताए।
