गीतकार तथा मोडल भुवन लोहनीले आफ्नो नयाँ गीत ‘कुन देवको सृष्टी हौँ भन्दै उषा उप्रेतीलाई सोधेका छन्। बुधबार यो गीतको भिडियो सार्वजनिक गर्दै उषालाई यो कुरा सुनाएका हन्। गीतकार भुवनले गीतको भिडियोलाई कृपा फाउन्डेसनको अफिसियल च्यानलबाट सार्वजनिक गरेका हुन्।
यो गीतमा गायक सविन सुवेदी र गायिका समीक्षा अधिकारीले गाएका छन् भने मोडल लोहनीले गीतलाई लेखेका छन्। गीतमा संगीतकार बसन्त सापकोटाले संगीत सृजना गरेका छन्। यो गीतलाई डोरेमी स्टुडियोमा भानुभक्त ढकालले रेकर्डिङ गरेको गरेको यो गीतलाई श्याम बागदासले मिक्सिङ तथा मास्टरिङ गरेका हुन्।
यो गीतमा मोडल भुवन लोहनी र उषा उप्रेतीको अभिनय रहेको छ। यो आधुनिक गीत प्रेम भावमा तयार गरिएको छ। गीतको भाव अनुसारकै यसको भिडियो तयार गरिएको छ। भिडियोमा भुवन र उषाको जोडी सुहाएको छ। उनीहरु बीचको प्रेम सम्बन्धलाई भिडियोमा कथानक रुपमा प्रस्तुत गरिएको छ।
मौसम हिमालीले निर्देशन गरेको यस भिडियोमा कोरियोग्राफी पनि मौसमकै रहेको छ। नवराज उप्रेतीले खिचेको यो गीतको भिडियोमा सम्पादन तथा रंग संयोजन मनोज कार्कीले गरेका छन्। केही वर्ष यताबाट अमेरिकामा बस्दै आएका लोहनीले आधा दर्जन भन्दा बढी भिडियोमा मोडलिङ गरिसकेका छन्। मोडल भुवनको अघिल्लो महिना बाबा आमा गीतको भिडियो रिलिज भएको थियो् भने लगत्तै उनकै अभिनयमा यो नयाँ गीतको भिडियो सार्वजनिक भएको हो।
