बुटवल – नेवा दय दबु तिलोत्तमा नगर समितिको दोस्रो अधिबेशन बुधबार सम्पन्न भएको छ । जिल्ला अध्यक्ष श्री रुद्रप्रसाद श्रेष्ठको अध्यक्षतामा बसेको झिगु नेवा खलको तेस्रो अधिबेशन दलान रिसोर्ट जानकिनगरमा भब्य रूपमा सम्पन्न भएको हो ।अधिवेशनमा नयाँ जुझारु नयाँ कार्यसमिति निर्वाचित गरिएको छ ।
निर्वाचनमा अध्यक्ष पदमा दिनेश कक्षपति सर्वसम्मत निर्वाचित हुनुभयो भने वरिष्ठ उपाध्यक्षमा श्री कृष्णबहादुर श्रेष्ठ, उपाध्यक्षमा श्री नरप्रसाद श्रेष्ठ ,महिला उपाध्यक्षमा श्रीमती सुशीला श्रेष्ठ , महिला सचिवमा श्रीमती राधा श्रेष्ठउदय, सचिवमा श्री दिपेश कुमार अमात्य र कोषाध्यक्षमा श्री प्रकाश श्रेष्ठज्यू निर्वाचित हुनुभयो। उक्त निर्वाचनमा २४ सदस्य कार्यसमिति गठन गरिएको छ । उक्त अधिवेशनमा जिल्ला अध्यक्ष श्री रुद्रप्रसाद श्रेष्ठले पानस बाली कार्यक्रमको शुभारम्भ गर्नु भएको थियो भने अन्य अतिथि अध्यक्षहरूले आफ्नो मन्तव्यहरू राख्नुभयो।
यस सस्थाले अहिले मन्दिर निर्माण अनाथ आश्रमहरुलाइ सहयोग लगाएतका धेरै सामाजिक कार्यहरू गर्दै आइरहेको छ। नेवारी सस्कृतीको संरक्षण साथै नेपाली भेषभुषाको जग्रेनाको लागि नेवारी लाखे नाच गाई जात्रा हिले जात्रा बाग जात्रा जस्ता विभिन्न कार्यक्रमहरु आयोजना गरिरहेको छ । सस्थाले अहिले सम्म धेरै सामाजिक कामहरु गरि सकेको छ भने आउँदा दिनमा यसको दायरा बढाउदै देशको एउटा धरोहरको रूपमा परिचीत गराउने लक्ष्य रहेको राखेको छ।
