काठमाडौँ । गायक तथा सारंगीवादक हेमन्त कान्छा रसाईलीको स्वर रहेको दुई दिने चोलामा बोलको गीतको भिडियो सार्वजनिक गरिएको छ । गीतमा गायक स्वयमकै शब्द, संगीत तथा मिक्सिगं र मास्टरिगं रहेको छ । भिडियोमा मोडलद्धय सगुन खत्री र दिव्यानी वली मज्जैसँग अभिनयमा खुलेका छन् ।
भिडियोमा एक प्रेमील जोडीको प्रेमील कल्पना,मायामा डुबेको प्रेम जोडी र रोमान्सले भरिएको समयदेखि विबाह गरेर एक हुँदा सम्मको सफल प्रेम कहानीलाई रोमान्टिक शैलीमा निर्देशक विशाल घिमिरेले प्रस्तुत गरेका छन् ।
गायन र सारंगीवादनको क्षेत्रमा एकपछि अर्को सफल गीत दिइरहेका गायक हेमन्त कान्छा रसाईलीले दुई दिने माया मार्फत प्रेममा सफल हुनेहरुको कथालाई यस गीत मार्फत व्यक्त गर्न खोजेका छन् । करन चैसियारको छायांकन, अमृत चापागाईको सम्पादन तथा कलर रहेको सार्वजनिक गीतको भिडियो गायक हेमन्त कान्छा रसाईली स्वयमकै युट्युब च्यानलबाट बजारमा आएको हो । हेर्नुहोस् प्रेम र रोमान्सले भरिएको यो रमायलो गवीतको भिडियो
