काठमाडौँ । गोरखाका अनन्त लामिछानेका २ महिनाका छोराको मुटुमा प्वाल परेपछि अहिले परिवार उपचारको खोजीमा छ । आर्थिक अवस्था कमजोर भएका अनन्तका छोराको उपचारका लागि नेपाल कल्याण समाज जापानको टिमले ४७ हजार रुपैयाँ सहयोग गरेको छ । नेपाल कल्याण समाज जापानका महासचिव समेत रहेका मनकारी युवा व्यबसायी केशव सुवेदीले जापानमा कार्यरत साथीहरु मिलेर उक्त रकम संकलन गरेर वीर अस्पतालका व्यवस्थापक एवं समाजसेवी भवनाथ पुडासैनीको हातबाट बिरामीका अविभावकलाई उक्त रकम हस्तान्तरण गरिएको बताए ।
व्यबसायी सुवेदी जापानको कानागावाको ओदावरा भन्ने स्थानमा कार्यरत छन् । नेपाल कल्याण समाज जापानले स्थापनाकालदेखि नै नेपालका विभिन्न स्थानदेखि दुरदराजका गाउँसम्म यस्तै सहयोग अभियान संचालन गर्दै आइरहेको छ । अनन्त लामिछानेका जम्मा २ महिनाका छोराको लागि वीर अस्पतालका व्यवस्थापक एवं समाजसेवी पुडासैनीले उपचारका लागि लाग्ने खर्च छुटका लागि पनि अस्पताल सञ्चालक मार्फत केही छुटहरू गराइदिएका छन् ।
गोरखाका भीमसेन थापा गाउँपालिका वडा नम्बर ३ निवासी अनन्त लामिछानेको दुई महिना भएको नवजात शिशुमा मुटुमा प्वाल र अहिले निमोनियाको पनि समस्या देखिएपछि परिवारले सहयोगको अपिल गरेको छ । जापानबाट सहयोग गर्ने सहयोगि दाताहरुको नाम यसप्रकार रहेको छ।
