काठमाडौं ‘गाईजात्रा’ का लागि अहिले हास्य कलाकारहरु डिजिटलदेखि भौतिक कार्यक्रमको तयारीमा व्यस्त छन् । कलाकारहरुले अहिले छुटुटाछुट्टै गाईजात्रे कोसेली सार्वजनिक गरिरहेका छन् ।
एक पर्वको रुपमा लिइएको गाइजात्रामा कलाकारहरुले वर्षभरिका राजनीतिक, सामाजिक, आर्थिक लगायत हरेक विकृति, विसङ्गतिप्रति खुलेर व्यङ्ग्यको झटारो हान्ने गर्छन् ।
यसपटक गाईजात्रा पर्व भदौ ४ गते परेपनि पहिले नै कलाकारहरुले डिजिटलमा गाईजात्रे कोसेली सार्वजनिक गरिरहेका छन् । यसैबीच चर्चित हास्यकलाकार शैलेन्द्र सिंखडाले पनि “यसपालिको सिकार” गाईजात्रे कोसेली बजारमा ल्याइसकेका छन् ।
उनको ‘गाईजात्रा’ भिडियोले दर्शकलाई पेट मिचिमिची हाँसाइरहेको छ । भिडियोमा उनले राजनीतिक विकृति, विसङ्गतिको कडा ब्यंग्य गरेका छन् ।
