काठमाडौँ । ऊर्जा, जलस्रोत तथा सिँचाइ राज्यमन्त्री पूर्णबहादुर तामाङले पदवहाली गर्नुभएको छ । नवनियुक्त राज्यमन्त्री तामाङले आज मन्त्रालयमा पदबहाली गर्नुभएको हो ।
पदबहालीपछि सञ्चारकर्मीसँग संक्षिप्त प्रतिक्रिया दिँदै राज्यमन्त्री तामाङले नेपालको विकासका लागि ऊर्जा, जलस्रोत र सिँचाइ क्षेत्र महत्त्वपूर्ण भएकाले यस क्षेत्रको विकासमा आफू निरन्तर लागिपर्ने बताउनुभयो ।
विसं २०२२ साउन १७ गते शेरबहादुर र जमुना तामाङको कान्छो सुपुत्रका रुपमा जन्मनुभएका तामाङ विसं २०४६/४७ देखि पार्टीभित्र क्रियाशील हुनुहुन्छ । विसं २०६७ मा सम्पन्न नेपाली कांग्रेसको १२औँ महाधिवेशनमा रामेछापबाट महाधिवेशन प्रतिनिधि निर्वाचित हुनुभएका तामाङ विसं २०७० मा समानुपातिक सांसदको सूचीमा हुनुहुन्थ्यो ।
विसं २०७४ को संसदीय निर्वाचनमा रामेछापबाट पराजित तामाङ विसं २०७९ मा निर्वाचित हुनुभएको थियो । नवनियुक्त राज्यमन्त्री तामाङ हाल नेपाली कांग्रेस रामेछापको सभापति समेत हुनुहुन्छ ।
