काठमाडौँ । गायक कृष्ण सुवेदीको भोले बम बम बोलको तीज गीतको भिडियो रिलिज गरिएको छ । हिन्दु नेपालीहरुको महान पर्व तीज नजिकिएसँगै पर्वतेली गायक कृष्णले भगवान शिवको महिमा वर्णन गरिएको तीज गीत भोले बम बमको भिडियो लिएर आएका हुन् । छमछम नचाउने भोले बम बमबाट आँफुले आशा राखेको गायक कृष्ण बताउँछन् । भन्छन् गीतको अडियो भिडियो दुवैमा निकै मेहेनत गरेका कारण यो भिडियो खास बनेको छ । जसमा गायक कृष्णसँग सुनिता बुढाको स्वर सुन्न सकिन्छ ।
जसमा शरद एलजी, सृष्टि विश्वकर्मा, आरुषी कार्की र रिदम थापाको बेजोड अभिनय देख्न सकिन्छ । गायक स्वयमकै शब्द तथा संगीत रहेको भोले बम बममा आफ्नी प्राण प्यारि लाई जुनीभरी माया दिने कुरा दर्शाइएको छ । होम गुरुङले निर्देशन गरेको भिडियोको छायांकन गणेश सापकोटाले गरेका हुन् भने सम्पादन शिव पौडेलले गरेका हुन् । भिडियो गायक स्वयमकै अफिसियल युटुब च्यानल कृष्ण सुवेदी अफिसियलबाट बजारमा आएको हो ।
