कर्णाली – कर्णाली प्रदेश सरकारको प्रवक्ताको जिम्मेवारी भूमि, व्यवस्था, कृषि तथा सहकारी मन्त्री विनोदकुमार शाहलाई दिइएको छ । प्रदेश सरकारको बिहिबारको मन्त्रिपरिषद्को बैठकले शाहलाई उक्त जिम्मेवारी दिने निर्णय गरेको हो ।
मन्त्री शाह नेपाल कम्युनिष्ट पार्टी (एमाले)बाट दैलेख निर्वाचन क्षेत्र नं १ (२) बाट निर्वाचित प्रदेशसभा सदस्य हुनुहुन्छ । बैठकले यही असार २ गतेदेखि रिक्त रहेको आन्तरिक मामिला तथा कानुन मन्त्रालयको सचिवको जिम्मेवारी आर्थिक मामिला तथा योजना मन्त्रालयका सचिव रविलाल शर्मालाई दिने निर्णय पनि गरेको छ ।
