काठमाडौँ १४ साउन । नेपालमा कोभिड १९ कोरोना भाइरसको संक्रमणबाट हिजो साउन १३ गतेसम्म ५४ हजार भन्दा बढी बालबालिका संक्रमित भएका छन् ।
स्वास्थ्य तथा जनसंख्या मन्त्रालयको गुणस्तर मापन तथा नियमन महाशाखाका प्रमुख डा. मदन उपाध्यायले दिएको जानकारी अनुसार हाल सम्म नेपालमा मात्र ५४ हजार ४६० जना बालबालिकामा कोरोना संक्रमण पुष्टि भइसकेको छ ।
महाशाखाका प्रमुख पाध्यायले दिएको जानकारी अनुसार पहिलो लहरमा २१ हजार ५२३ जना बालबालिका संक्रमित हुँदा दोस्रो लहरमा ३२ हजार ९३७ बालबालिका संक्रमित भएका छन् । जसमा पहिलो लहरबाट ३८ र दोस्रो लहरमा ४३ जनाको ज्यान गएको छ ।
योसँगै कोरोना सक्रमणबाट ८१ जना बालबालिकाले अकालमै ज्यान गुमाएका छन् ।
