पर्सा, १४ साउन- वीरगंज महानगरपालिका(१० अशोकवाटीका बस्ने ३५ वर्षीय मुना कुमार सोनारको घरबाट करिब २८ तोला बराबरको सुनका विभिन्न गरगहना, ५ थान हिराको औंठी र नगद १ लाख रुपैयाँ समेत गरी करिब २४ लाख ८७ हजार रुपैयाँ बराबरको धनमाल मंगलबार राति चोरी भएको छ ।
घरमा कोही नभएको अवस्थामा अपरिचित व्यक्तिहरुले कोठाभित्रको दराज फुटाई विभिन्न धनमाल चोरी फरार भएको भन्ने खबर प्राप्त हुनासाथ वडा प्रहरी कार्यालय श्रीपुर र अस्थाई प्रहरी पोष्ट शिवपार्वतीबाट खटिएको प्रहरीले चोरीमा संलग्न हाल फरार व्यक्तिहरुको खोजी गर्नुका साथै यस सम्बन्धमा थप अनुसन्धान गरिरहेको छ ।
