पोर्नाेग्राफी मामलामा अभिनेत्री शिल्पा शेट्टीको पति राज कुन्द्रालाई १४ दिन जेल कस्टडीमा पठाइएको छ । मुम्बई पुलिस क्राइम ब्रान्चले राज कुन्द्रालाई १९ जुलाईको रातमा गिरफ्तार गरेको थियो । राज कुन्द्रा माथी पोर्नाेग्राफिक फिल्म बनाएको आरोप रहेको छ ।
यसअघि कोर्टले पहिला राज कुन्द्रा लाई २३ जुलाइ सम्म पुलिस हिरासतमा राख्न आदेश दिएको थियो । त्यसपछि फेरी उनको हिरासत बढाएर २७ जुलाई अर्थात आज सम्मका लागि तोकिएको थियो । आज फेरी अदालतले उनलाई जेल कस्टडीमा पठाई दिएको छ ।
राज कुन्द्राका कर्मचारी बिरुद्ध प्रमाण फेला
राज कुन्द्रा पोर्नाेग्राफी केसमा जसरी भए पनि उम्कने प्रयासमा रहेका छन् । तर उनी बिरुद्ध गतिला प्रमाणहरु जुटिरहेका छन् । यस केसमा राज कुन्द्राका कर्मचारीविरुद्ध बलियो प्रमाण फेला पारेको प्रहरीले दाबी गरेको छ । एडल्ट तथा पोर्न मुभी बनाउने कुन्द्राको कम्पनीमा कार्यरत अरबिन्द श्रीवास्तवको ९० ओटा अश्लिल चलचित्रको कारोबारमा संलग्नता देखिएको प्रहरीले दाबी गरेको छ ।
उनले २ वर्षमा उत्तर प्रदेश र मध्य प्रदेशमा अश्लिल चलचित्र बिक्री बाट राम्रै आम्दानी गरेको प्रहरीले जनाएको छ।अनुसन्धानको क्रममा प्रहरीले कानपुरमा कुन्द्रा र अरबिन्दको पारिवारिक सम्बन्ध रहेको पनि अनुषन्धानको क्रममा खुलेको छ । पुलिसले आज कोर्टमा राज कुन्द्राको सिटी बैंक तथा कोटम महिन्द्रा बैंकको डेबिट एकाउण्ट फ्रीज गरिदिएको छ ।
कोटक महिन्द्रा बैंकमा १ करोड १३ लाख रुपैया जम्मा रहेको छ । क्राइम ब्रान्चले यस केसमा जोडिएका तमाम भिक्टिम्स संग अपील गरे पनि अहिले सम्म सम्पर्कमा आएका छैनन् । एक भिक्टिम २६ जुलाईमा क्राइम ब्रान्चमा आएर आफ्नो स्टेटमेण्ट दिएर गएका थिए । पुलिसले एप्पल स्टोरबाट हट्शटको जानकारी मागेको छ । यसबाट १ करोड ६४ लाख रुपैया निकालिएको देखिएको छ ।
