काठमाडौँ १२ साउन । संसद सचिवालयकी एक कर्मचारीलाई बलात्कार गरेको अभियोगमा बलात्कारसम्बन्धी मुद्दा खेपिरहेका पूर्वसभामुख कृष्णबहादुर महराले उच्च अदालत पाटनबाट पनि सफाइ पाएका छन् ।
आज मंगलबार न्यायाधीश माधव पोखरेल र विमल सुवेदीको इजलासले यसअघि काठमाडौं जिल्ला अदालतले दिएको फैसलालाई सदर गर्दै उनलाई सफाइ दिएको हो ।
संसद सचिवालयकी कर्मचारी रोशनी शाहीले आफुलाई जाड खाएर आएको अवस्थामा बलात्कार गर्न प्रयास गरेको भन्दै प्रहरीमा उजुरी दिएकी थिइन् ।
तर, पीडित महिलाले नै जिल्ला अदालतमा उपस्थित भएर महराले बलात्कार नगरेको वयान दिएपछि जिल्ला अदालतले बलात्कारको दावीमा प्रमाण नपुग्ने भनी सफाइ दिएको थियो ।
