कोरोनाकालमा अलपत्र परेका अनगिन्ती ब्यक्तिहरुलाई उनीहरुको घर सम्म पु¥याईदिएर चर्चामा आएका बलिउड अभिनेता सोनू सूद सामाजिक सञ्जालमा एकदमै चर्चा कमाईरहेका छन् । उनले यो लकडाउनको समयमा बेसहारा ब्यक्तिहरुलाई धेरै सहयोग गरिरहेका छन् ।
उनी बलिउडको पर्दामा भिलेनको रुपमा देखिए पनि जनताको बीचमा रियल लाइफको हिरोको भुमिकामा देखिईरहेका छन् । सोनू धेरैलाई सहयोग गर्नुका साथै सामाजिक सञ्जालमा पनि निक्कै सक्रीय रहने गरेका छन् । उनी आफ्नो फोटो तथा भिडियो सामाजिक सञ्जाल मार्फत शेयर गर्दै आफ्ना फ्यानहरु संग जोडिईनै रहेका छन् ।
यसपटक सोनू सूदले एउटा भिडियो इन्ष्टाग्राममा शेयर गरेका छन् यो भिडियो एकदमै भाइरल भईरहेको छ । उनका फ्यानहरुले एकदमै मन पराएका छन् । उनले शेयर गरेको यो भिडियोमा उनी तन्दुरमा रोटी बनाईरहेको देख्न सकिन्छ । उ
नी यो भिडियोमा रोटी बनाउँदै भनिरहेका छन्– बस, रोटी तयार छ । सोनू सूदको ढाबा एकदमै महशुर छ । पछिल्लो पटक पञ्जाबमा सानो तन्दुर भएका कारण उनको ढाबेमा रोटी सस्तो थियो । तर यसपटक ठुलो तन्दुर भएका कारण रोटी महंगो छ ।
यो सामाजिक सञ्जालमा हालिएको भिडियो मज्जाकका लागि मात्र रहेको छ । तर उनको यो भिडियोलाई धेरै फ्यानहरुले रुचाएका छन् । सामाजिक सञ्जालमा एकदमै तिब्र रुपमा भाइरल भइरहेको छ ।
